Kan fate hi Jaira Lalnunpuia khiangte (Jaira), kum 8 leh Joseph Lalnunsanga Khiangte (Tete-a) kum 7 te an ni a. Madurai atangin 2013 kum tir (June) thla khan rawngbawlna thilah Serampore-ah kan insawn a. Holy Home, an school kalna a admission kan lak hlim hian an test-naah engmah an sawi/zih duh loh vangin fimkhur thuhla-ah 'pawl ngaiah thu leh mai se' an hotu tur ten an tih chu kan hnial lem lo a, tichuan tunah hian Jaira C/L-II, Tete-a, K.G-II an zir mek a ni.
Vai ho kara school kal an ni bawk a, an rualpui vai ho an tluk lovang tih hlau reng rengin Nu ber hi a tang em em thin a, Pathian khawngaihna zarah a tih pawh an ti tha ve thawkhat viau hrih. Kum hmasa khan 93. something?% vel Tete-a hian a lo hmu a, A U hian 91% vel a hmu ve niin ka hria. Naupangte e ti lovin lehkha hi an zir nasa em em a, ni tin tlai dar nga a rik hma loh chuan tumah Serampore campus naupang pawnah an chhuak ngai lo. Tlai dar 5-6 hi infiam hunah an hmang a, zan lamah pawh dar 10 - 11 thleng te hi an lehkha zir dan a ni.
He ti taka an rim avang hian exam zoh hi an nghakhlel ve thei em em thin a, chutiang boruak karah chuan he thil(thar) 'KA FATE TAWNGTAINA' tih hi a lo zi chhuak ta a ni.
Dt. 11th,Sept,2014 : Dt. 11.09.2014 hian exam an zova, nuam an ti takzet a ni. Tlai a an infiam bakah zanlamah pawh Games khelh thahnem an ngai hle a, Jaira phei chu a Nau leh a Nu-in an menpui peih toh loh thlengin an Room-ah (Computer room leh an lehkhabu ho kan dah khawm bikna) Games a khel a, kei erawh hna ka la ngah avangin ka study room-ah dan pangngai angin ka la tul em em thung. Zanlai 12 a hnaih thuak tawh avangin a room-ah ka va kal zawk a, a Games khel lai chu dah a mu tawh turin ka hril zawk a, "aw le' a tih ve mai bawk avangin study room-ah bawk ka let leh ngal a ni. Computer a shutdown a, a inthiar zo khuma a lawn chu a mu mai turah ka ngai a, mahse phun ri mawlh mawlh ka hre ta tlat mai. Mak ka tih em avangin ka thutna atang chuan ka va thlek a, Pa tana thil mak em em mai ka va hmu chhuak ta a ni. A mut hmunah chuan thu chungin a thiam dan danin a lo tawngtai mawlh mawlh a...Ka en reng a, ka fapa kum 8 emaw lekin mahni a tawngtai nachang a hre ta ka hmuh chuan lawmna leh mak tihnain ka khat a, ka hnuk a ulh ti-tih tlat mai. Min hriat hlau tak chungin ka ngaichang reng a, a tawngtai zawh chuan a Nu bulah chuan ngawi rengin a mu ve ta a ni.
He thil hi han sawi belh vak ngaihna ka hre lo. Rilru zawng zawng a "Lalpa ka lawm e" tih mai loh chu sawi tur pawh ka hre lo. A Nu-in tawngtai a zirtir rah a ni a, Nuapangte kum 8 mi lekin 'ti-rawh' tih vang pawh ni lo, amaha "Lalpa' hming lam nachang a hria kha, Pa tan chuan lawmna tham' tih loh rual a ni lo. Lalpan zahngai se, heng aia lawmna nasa zawk hi kan fate atangin kan la hmuh belh zel ka beisei tlat a ni.
He (a hnuaia) pic hi chu 14.09.14 ami a ni.
Vai ho kara school kal an ni bawk a, an rualpui vai ho an tluk lovang tih hlau reng rengin Nu ber hi a tang em em thin a, Pathian khawngaihna zarah a tih pawh an ti tha ve thawkhat viau hrih. Kum hmasa khan 93. something?% vel Tete-a hian a lo hmu a, A U hian 91% vel a hmu ve niin ka hria. Naupangte e ti lovin lehkha hi an zir nasa em em a, ni tin tlai dar nga a rik hma loh chuan tumah Serampore campus naupang pawnah an chhuak ngai lo. Tlai dar 5-6 hi infiam hunah an hmang a, zan lamah pawh dar 10 - 11 thleng te hi an lehkha zir dan a ni.
He ti taka an rim avang hian exam zoh hi an nghakhlel ve thei em em thin a, chutiang boruak karah chuan he thil(thar) 'KA FATE TAWNGTAINA' tih hi a lo zi chhuak ta a ni.
Dt. 11th,Sept,2014 : Dt. 11.09.2014 hian exam an zova, nuam an ti takzet a ni. Tlai a an infiam bakah zanlamah pawh Games khelh thahnem an ngai hle a, Jaira phei chu a Nau leh a Nu-in an menpui peih toh loh thlengin an Room-ah (Computer room leh an lehkhabu ho kan dah khawm bikna) Games a khel a, kei erawh hna ka la ngah avangin ka study room-ah dan pangngai angin ka la tul em em thung. Zanlai 12 a hnaih thuak tawh avangin a room-ah ka va kal zawk a, a Games khel lai chu dah a mu tawh turin ka hril zawk a, "aw le' a tih ve mai bawk avangin study room-ah bawk ka let leh ngal a ni. Computer a shutdown a, a inthiar zo khuma a lawn chu a mu mai turah ka ngai a, mahse phun ri mawlh mawlh ka hre ta tlat mai. Mak ka tih em avangin ka thutna atang chuan ka va thlek a, Pa tana thil mak em em mai ka va hmu chhuak ta a ni. A mut hmunah chuan thu chungin a thiam dan danin a lo tawngtai mawlh mawlh a...Ka en reng a, ka fapa kum 8 emaw lekin mahni a tawngtai nachang a hre ta ka hmuh chuan lawmna leh mak tihnain ka khat a, ka hnuk a ulh ti-tih tlat mai. Min hriat hlau tak chungin ka ngaichang reng a, a tawngtai zawh chuan a Nu bulah chuan ngawi rengin a mu ve ta a ni.
He thil hi han sawi belh vak ngaihna ka hre lo. Rilru zawng zawng a "Lalpa ka lawm e" tih mai loh chu sawi tur pawh ka hre lo. A Nu-in tawngtai a zirtir rah a ni a, Nuapangte kum 8 mi lekin 'ti-rawh' tih vang pawh ni lo, amaha "Lalpa' hming lam nachang a hria kha, Pa tan chuan lawmna tham' tih loh rual a ni lo. Lalpan zahngai se, heng aia lawmna nasa zawk hi kan fate atangin kan la hmuh belh zel ka beisei tlat a ni.
He (a hnuaia) pic hi chu 14.09.14 ami a ni.
17th,Sept,2014: He mi zan hian ka study room-ah tul takin ka awm a (ka room leh Master Bedroom hi insi reng, mahse room hran hlauh si, a kawngka atang chuan lhum pawh hmuh phak mai a ni), Tetea mu tur tawngtai pawh ka room atang chuan ka hre phak leh reng mai. Ti hian a ti ve thung........" Aw Lalpa zanin-ah mutna hmun tha min pe a, kan thil hlauh-ahte i vantirhkoh ten... (chuan)... zanahte ka mu tha thei lo thin a (a mu hi a muhil lawk lo fo thin)......kha tiang khan min mut tir tawh suh ang che...." tiin.
Eng emaw lai atang khan tawngtai hi an ngai pawimawh ta riau a, Nu & Pa zawk-in tawngtai awm huna kan tawngtai mai lohte hian 'Nu/Pa, i tawngtai dawn lo em ni' an ti mai thin.
A Nu hian School an kal theih tirh atangin, school kal tura in an chhuahsan hma hian ni tin (bahlah miah lovin) an lu chungah kut nghatin a tawngaisak thin a, an thla a muangin, tawngtai lova school kal hi nuam an ti reng reng lo.
An tet lehzual lai: hian....(Bungtlang N Bial kan awm lai) " Lalpa Pathian hi kan tih a ni tih kan fate hian an hriat theih nan, chhungkaw tawngtai kan neih reng rengin, tihtakzetin chhuata thingthi ngeiin kan tawngtai thin tawh ang" tiin kan Nu Pa in rawtna kan siam a. Kan bei ve tlauh tlau thin. Mahse kan fate avang hian a lo applicable lutuk lo deuh a, a chhan pawh tawngtaia kan han thingthi kha - a u zawk hnung lamah a lo lawn a, awlsamtein kan tawngtai lai reng chuan koki-ah a lo thu leh van thin, chu chu a nauin a thik a, a theih ang angin a lo inban kai ve leh a, thingthi chunga naupang 2 koki chhuan bawka tawngtai chu a lo har riau mai a, khup nghahchhan kan siam lem lo bawk nen..."a... an leikan deuh huna chhunzawm leh atan i titawp hrih mai ang" kan ti leh ta a ni. Khang hun kha a rei lo hle a, thlir kir chang hian thil ngaihawm-ahte pawh a lo chang ve lek lek ta mai. Tunah chuan hma kan lo sawn ve takzet ta a ni e.
"Lalpa, i hma a ka kunpui theih tur Fate min pek avangin ka lawm em em a ni"
