PATHIAN RAM

 

I ram lo thleng rawh se (Mt6:10)

Pathian ram chu in zingah a awm (Isua) (Lk17:21)

Pathian ram chu ei leh in lam thu a ni si lo va, felna te, remna te, Thlarau Thianghlima lawmna te a ni zawk e (Rom14:17)

Pathian ram chu thuah a awm lo va, thiltihtheihnaah a awm zawk a ni (1Kor6:9)

2 Corinthians 10:4 (keini inralthuamnate chu tisaa mi a ni si lo va, kulhpui nghet takte thiatna tura Pathian zarah thil ti thei tak a ni zawk,)

Pathian ram a thlen theihna tura - thil ti thei/ thiltihtheihna chu eng e?

i)                    Romans 1:16 Chanchin Tha chu ka zahpui si lo va; tupawh a ring apiangte tan chhandamna tura Pathian thiltihtheihna a ni si a; atirin Juda mi tan a ni a, tin, Grik mi tan pawh a lo ni leh a.

ii)                   1 Corinthians 1:18 Kraws thu chu boral mekte tan chuan atna a ni si a; keini chhandam mekte tan erawh chuan Pathian thiltihtheihna a ni zawk e.

iii)                 Acts 1:8 Nimahsela Thlarau Thianghlim chu in chunga a lo thlen hunah thiltihtheihna in la nei ang; tichuan Jerusalem khuaah te, Judai leh Samari ram khaw tinah te, kawlkil thleng pawhin ka thuhretute in ni ang,” a ti a.

iv)                 2 Timothy 1:7 Pathianin hlauhna thlarau min pe lo va, thiltihtheihna leh hmangaihna leh rilru fel tak neihna thlarau min pe zawk si a.

Galatians 5:19-21 Tin, tisa thiltihte chu a lang fiah a ni; chung chu heng hi a ni: inngaihna te, bawlhhlawhna te, hurna te, milem biakna te, dawithiamna te, huatna te, inhauna te, thikna te, thinurna te, inkhinna te, awm hranna te, rin hranna te, itsikna te, zu ruihna te, zu hmun hlimna te, chutiangte chu: chung kawngah chuan tun hmaa, “Chutiang thil tih hmangte chuan Pathian ram an chang lo vang,” tia ka hrilh lawk che u ang khan ka hrilh lawk che u hi.

Ephesians 5:5 Inngaih hmang leh mi bawlhhlawh leh mi duham reng reng chuan (mi duham chu milem betu a ni a) Krista leh Pathian ramah chuan chan reng an nei lo a ni tih in hre hle si a.

Pathian ram chu naupengtein a lawma nga lawm lo apiang a chhungah an lut tawp lovang (Lk18:17)

Sum ngahte chu Pathian rama luh a va harsa dawn em (Lk18:24)

Tih tak meuhvin, tih tak meuhvin ka hrilh a che, mi tupawh an pian thar loh chuan Pathian ram an hmu thei lovang (Jhn3:3)

UNIFORM CIVIL CODE CHUNGCHANG

Pastor Lalzarliana Khiangte

……………………………………

*Uniform Civil Code chu eng e?*

Uniform Civil Code in a kawh chu he tiang deuh hi a ni – India hi hnam leh sakhaw hrang tamtak chenhona a ni a. Hnam leh sakhaw tin chuan mi mal nun nghawng dan chi hrang tamtak; entir nan – inneihna dan, inthenna dan, ro khawm dan, inchhawm (adoption) dan, etc kan nei vek a; chutiang dan hrang nuai chu – UCC hian a nuai bo vang a, India khualehtui zawng zawng ten inang tlanga kan hman tur dan a a rawt chhuak tawh dawn a ni. 

He dan hi apiang a nih chuan Hindu, Muslim leh, Chriatian ten dan a hrang a hraia kan hman leh neih thin chu a bo tawh ang a, UCC chuan ‘dan thuhmun’(UCC) hmangin mi tin min hrut rual vek tawh dawn a ni.

*UCC hian engvangin nge Indiaah inhnialna nasa tak a thlen?*

Hengte hi UCC avanga inhnialna langsar a ni.

1.  *India chu sakhua leh hnam hrang tamna a ni (Religious & Cultural Diversity):*

India chu sakhua leh chin dan hrang tamna ram a ni a. Sakhaw hrang hrang – kalphung, chin dan, leh mi mal kaihhnawih dan chi hrang hrang tamna a ni. UCC hi a lo piang a nih chuan heng dan hi a thlak vek dawn a. Chutiang a nih chuan khualehtui tinte tana ‘sakhaw zalenna ram’ ni thin chu ‘a bo’ ngei dawnin mi tamtakin an ring a ni.

2.  *Thlem zawkte chanvo humhimsakna (Protection of Minority Rights):*

A duh lotute chun UCC hi hman a nih chuan hnam leh pawl tlem zawkte hi nasa takin a nghawng nghal dawnin an hria a. Mi mal nghawng dan hrang hrang sakhaw tinin an neih inphan kual duah, an nihna tarlangtu leh inrelbawlna hran/g an lo kalpui tawhte chu he UCC hian ti chhiain a nuai bo ngei dawnin an hria. 

He tiang dan (UCC) hman ai chuan; hnam leh sakhaw vawn hran nei mi tlemte te  dikna leh chanvo humhalh sak hi ‘hnam tam tak chenna India ram’ angah chuan a tha zawkin mi tamtakin an ring a ni.

3.  *Political Considerations:* 

UCC hi mi thenkhatin politick-a hamthat lak an tumna leh vote bank siam an tumnaah mi tamtakin an ngai.

4.  *Mipa leh hmeiichhia intluktlanna leh hmeichhiate dikna chanvo (Gender Equality and Women's Rights):* 

UCC duhtute chuan ‘He dan hi hman a nih chuan; sakhaw thenkhat huang chhunga hmeichhiate rah behna leh inen hranna - dan tesep tam tak awm thin chu a bovin, chu chuan hmeichhia leh mipa te inkarah intluktlanna a thlenin an ring a. Mahse, UCC duh lotute chuan, “Hmeichhia leh mipa inkara rorelna dik (gender justice) chu dan dinglai huang chhungah a awm thei reng a. UCC hian sakhaw hrang hrang te chin dan hnuaia hmeichhiate  dikna hi a ti khawlo vek zawk ang” an ti a ni.

5.  *Ram & hnam inpumkhatna (National Integration):*

Mi tamtak chuan UCC hian hnam inpumkhatna a thlenin an ring a. Mahse a duh lo lam chuan UCC hian ram leh hnam inpumkhatna a ti chhe vekin an ring.

*UCC  thatna leh that lohna (Pros and Con) lak tawi:*

i)  *A thatna (Pros of UCC):*

-  Khualeh tui zawng zawngte inangtlanga min hrut rualna tur a ni.

-  Hmeichhia leh mipa (gender) inthlauhna a ti bovang.

-  Thangtharte tan hamthatna nasa zawk a siam ang.

-  Ram & hnam inpumkhatna a thlen ang.

-  Dan dinglai reform ngai tawh lovin a thlak ang.

ii)  *A that lohna (Con of UCC):*

-  Hnam hrang inpawlhsawp nuaina ramah hian a taka kalpui theih loh tawp a ni.

-  UCC hi sakhaw zalenna ti chhe hlauhtu a ni ang.

-  Mi mal thil hote teah pawh sawrhkar (state) a inrawlh fo tawh ang.

-  Hman tak tak hi a hlauhawmin a hautak hle ang.

-  He siamthat hna atan hian hunin a la zir hlawl lo.

*Comments:*

1.  Union law minister ni thin leh Congress hruaitu hlun M. Veerappa Moily chuan – “Sakhua leh hnam chi hrang hrang inpawlhsawp nasatna em emna ram Indiaa UCC hman tumna awm hi thil tih theih loh tawp ang a ni” a ti a. 

2.  UCC hminga Sangh's Hindu Rashtra agenda hman tumna hi thil hlauhawm tak a ni: NCP

3. *Keima ngaihdan:*

BJP- MP leh Parliamentary Committee chairman – Pu Sushil Kumar Modi chuan “He dan (UCC) hi hman a nih pawhi, NE a huam ve lovang” a ti a ni awm e. Mahse hman a nih hrim chuan, Hindu majority ho idea/ideology, tradition, practice  nasa takin zeh a ni ngei dawn a. Chu chu sakhaw dang zawng zawng tan a him lo main i lovin, a hlauhawm a ni. He dan hian NE a huam rih lo a nih pawhin, next step atana hma an lak lehna tur chu NE region huam chhung tho a ni ang.

Mi zawng zawng *Hindu dan SAKEI(?)* hnuaia kan kun a, hrut ruala kan awm vek loh nan; zofa kristiante hi Lalpa hmaah tihtakzeta kan kun a, kan tawngtai a tul a ni. 

*I ram leh hnam a dam nan tawngtai rawh.*

___________________

INLAICHINNA (Relationship with God)

BIAL ZAIPAWL RETREAT – 2

Eph 2:13-32; Sam 103; Jhn 15:1ff

 

 Note: BCM Lawngtlai East Pastor Bial  'Zipawl Retreat 2023'  kan neih tumin chawhma lam chu paper zirho nan kan hmang a. Ka paper chu ZAIPAWL RAWNGBAWLNA tih a ni. Chu chu he blog-ah hian dah tawh a ni a. Chawhnu lam chu Pathian thuaa inpawlho nan kan hmang ve thung a, chu mi tuma ka thusawi chu INLAICHINNA  tih hi a ni. Sermon tha tak a ni a, a sawitu pawhin ngaihnawm ka ti a, he blog-ah hian tlai khaw hnuah kan dah ve leh a ni e.

…………………………………………………………………………………

Bible-ah hian Pathian chetvelna bakah, a hnathawh leh thil mak ropui tak tak a tih chanchin kan hre thin a. Heng hi ‘tawngkam khatin’ khaikhawm/dah ta I la, ‘inlaichinnain a hrin chhuah vek a ni’ a tih theih ang.

OT lamah:

1.       Thil siam chanchin : Lei leh van; mihring, mihring thuawih lohna  leh hremna, huan ata Evi leh Adama hnawhchhuah thu, Abela & Kaina, Nova chanchin & tui let, Babal in sang, Abrahama Pathianin a koh dan…

2.      Exodus event (tuipui sen kan), thlaler experience, Jordan lui kan, Kaanan ram luh, etc

3.      Roreltute, Lalte chanchin, Zawlneite, etc

NT lamah:

-          Isua pian thu, rawng a bawl dan chanchin, mi a tih dam thu, kross-a khenbeh a nih dan, thawhlehna…

Heng chanchin zawng zawng hi Pathian leh a thilsiam; a bikin Pathian leh mihring inlaichinnain a hrinchhuah vek a tih theih.

Inlaichinna hian thil a ti theiin, thil a ti danglam nasa thei takzet a ni.

‘Khawvel thilpek azawnga hlu leh hmingthang’ an tih chanchinte hi inhre fo tawhin ka ring a. Tlem azawng lo tarlang I la.

1.       ‘Khawvel thipek manto ber an tih zinga pakhat chu – America-in Great Britain atanga zalenna a hmuh theihna tura indona senso France-in a tum sak hi a ni’ an ti thin.

America hian 1775 atangin zalenna a sual tawh a. Mahse sum leh paiah harsatna a neih avangin France nen hian Treaty of Alliance an tih chu, 1778-ah an sign ta a. Chu mi azarah chuan France chuan America chu indona ralthuam leh senso a supply ta a. Nunna tam tak an chan bakah billion 20 hu sum an seng a. Dollar vaibelchhe 1 hi INR Rs.  82,77,20,00,000 (vaibelchhe 8277), 20$ chu INR vaibelchhe nuai 165537/- a ni (Inremna leh zalenna, inlaichinna tur man a to hle a ni).

2.      The Jewel In The Crown, Koh-i-Noor – $485 million

86-carat Koh-i-noor diamond presented to Queen Victoria by Duleep Singh, The last Maharaja of the Sikh Empire in the year 1849 (Rs. 40,16,53,47,750).

3.      2008 khan Anil Ambani chuan a nupui  Tina Ambani hnenah lawng (Tian Yatch – comes from ‘Tina, Anil’), 84 million man zet a pe a.  INR - 6,95,29,74,000/-

Heng zawng zawng hi inlaichinna avanga lo awm vek an ni.

4.      Bill Conner – mel za tam (Km 4000/2600mail) a fanu lung phu ngaithla turin a tlan a. ‘Organ transplant’ a campaign-na chi khat a nih bawk avangin a lar viau a ni.

A fate 2; Abbey leh a unau pa chu swimming pool-ah thi chhawngin an char a. A unaupa chu a dam khawchhuah laiin ani erawh ‘life support’ vuahin a nung hram hram a. Kum 16 a nihin  a taksa bung thenkhat chu a mamawhtute tan donate turin a in register tawh a. Vanduaina a tawh hun vel lai tak hian tlangval 1 - Loumonth Jack, Jr. kum 21 emaw leka upa chuan heart attack a nei a. Ni 10 vel chauh dam tura ngaih a ni… Abbey lung donate avang chuan a lo dam chhuak leh ta a.

Tichuan Bill conner chuan a fapa Austina’n college atanga graduate certificate a dawn ni tuk May 22-ah chuan – an khua Madison, Wisconsin, atangin Fort Lauderdale, Florida -a Broward Health Medical Center, January thlaa a fanu Abbeyi’n a organ a donate avanga tlangval pakhat dam khaw-chhuahna  chu cycle-in a pan ta a.

Tichuan, Father’s Day ni takin, June 18, 2017 chuan  a fanu lungphu chu stethoscope hmangin a ngaithla ta a ni.

·         Mihring inlaichinna leh, pa-fa inlaichinna hian hna ava thawk nasa hle a ni.

Heng inlaichinna leh chu miina a nghawng chhuah chanchin kan ngaihthlakte bakah hian; inlaichinna avanga thil thleng azawnga chanchin ngaihnawm ber 1 share tur che u ka la nei a. Chu mi chanchin chu – mi sual thiam loh chang tawh hnu - ‘nang leh kei’ tana, Pathianin Kalvari-a thiam min chan tir dan leh, a fapa Isua Krista thisen zara ‘thuremna’ min siamsak dan chanchin a ni.

Eden huan to Kalvari…

-          Eden hua-ah chuan inlaichinna duhawm ber neiin bul an tan a.

-          A siamtu Pathian nen - leng dunin, an inpawl a, an inbe tawn a, a aw te pawh an hre thin a, a duh zawng leh duh loh zawngte pawh an hre thin. Chu hmunah chuan ‘malsawmin’ an awm a – “Tin, Pathian mal a sawm a” (Gen 1:28).

-          Mahse, chu inlaichinna duhawm tak chu ‘thuawihlohna emaw Pathian Dan bawhchhiatna’ chuan a ti chhe ta a.

Chu mi avang chuan;

i)                   Pathian lakah an thinlung a ngam pa thei ta lova.

ii)                Pathian tawk ngam lovin an biru a

iii)              Hremna an chungah a tla ta a. Eden atangin hnawh chhuah an ni a.

Chu mi avang chuan;

-          Rom 5:12ff-a kan hmuh ang khan -  Sual khawvel-ah a lut a. Sual avangin thihna a lut bawk a. Adama bawhchhiatna anga thil tisual lote chungah pawh thihna chuan ro a rel thin…tih a lo ni ta a ni.

Pathian rorelna hmaah chuan thiam loh chang kan ni a. A hnen ata hnawh chhuaha kan awm tawh avangin leh, kan inzawmna chu sah chaiha a awm tawh avangin; inzawmna nei lo, mi hrang, thlarauva thi, chatuan atana vui liam tur, Lalpa Pathian rorelna huang chhunga chanvo nei ve tawh lo…kan lo ni ta a ni.

Chutiang taka dinhmun pachhiaa kan awm tawh avang leh mahni pawh intanpui zo lo hial khawpa dinhmun pachia leh hnuaihnunga kan awm tawh avang chuan – Pathian thinlunga ‘hmangaihna awm hle hle thei lo’ tia an sawi thin chuan; khawvel thiamloh chantir tur ni lovin, khawvel amah avanga kan dam theihna tur zawkin, a fapa chu khawvelah rawn tir a.

A tawi zawngin…Rom 4:25-a kan hmuh ang khan - “Chu Isuan chu kan sualte avangin mantirin a awm a, thiam kan chan theihan turin kaihthawhin a awm leh ta” a ni.

Chu mi zarah chuan, Eph 2:1-7-a kan hmuh ang khan, Paula chuan tiang hian min hrilh a  - Pathian chuan khawngaihna a ngahin a mi hmangaihna nasa tak avang khan, kan bawhchhiatnate avanga thi kan nih lai meuh pawhin Krista rualin min ti nung ve a. Krista Isuaah chuan ama rual veka min kai thovin, van hmunahte ama hnenah min thut tir ta a….V8: Rinnain khawngaihna avangin min chhandam ta a ni.

Inlaichinna hrisel leh duhawm, Pathian leh mihring inkara awm thin; sual hnathawh avanga tih chhiata awm - siam tha leh tur leh, a nihna pangngai dinhmuna dah leh tur (restore) emaw rem dik leh tura Pathian man pek nasat zia hi ‘achhut peihte chuan’ an hrethiam em em ang.

Lalpa Pathianin ‘amah nena kan inlaichinna’ he ti tak maia a lo ngai pawimawh hi a makin a ropui takzet a ni.

Chu mi zarah chuan; inremin kan awm leh thei ta a, (Eph 2:13ff) hmana hla taka awmte kha Krista thisen chun tih hnaihin kan lo awm leh ta. Pawl hnihte chu pum khatah a siam a. Kan kar pindanna bang chu a tichim a. Chutichuan, amah avang chuan pahnihte chu mihring thar, pum khatah siamin inremna min siam sak leh ta.

 Eph 2:19-a kan hmuh ang khan – “Chutichuan tunah chuan mi khual leh mi cham mai kan ni tawh lova. Mithianghlimte nen chuan ‘tual khat leh Pathian chhungte” tia koh kan lo ni leh ta a ni.

Kristaa Pathian hnthawh chu Petera chuan tiang hian a tarlang a (1Pet 2:9) – “Thim ata chhuaka, a eng mak taka lut tura kotu che u thatna chu in entir theih nan nangni zawng chi thlan, lal puithiamho, hnam thianghlim, Pathian mite ngei in ni si a; hman lai khan mi reng in nil ova, tunah erawh chuan Pathian mi in lo ni ta. Hman lai khan zahngaihna in hmu lova, tunah erawh chuan zahngaihna in lo hmu ta” Tiin.

Heng chanchin zawng zawng atang hian, inlaichinna tih chiata awmin thil a khawih pawi theih zia leh, thil a tih theih si zia chu kan lo hre ta.

Tichuan vawiina he thuchah hmanga tarlan ka duh leh heng zawng zawng ka tarlan hmasak chhan chu - rawngbawlna reng reng pawh hi ‘PATHIAN NENA INLAICHINNAA INNGHAT, kan inlaichinna azira a chim chin dangkam thei a ni tih hi a ni.

Bible-ah pawh hian thil thleng mak leh ropui – dangdai bawk si a tam hle a, entir nan; i) Abrahaman Isaaka a hlan thu te, Josepha leh a unau te chanchin te, Lal Davida chanchin (Jonathana, Saula, Bethsebi), Samsona chanchin, Nehemia chanchin, Daniela sakeibaknei puk – a thiante 3 rawhtuina meipui, etc heng chanchin ropui em emte pawh hi ‘Pathian leh mi mal, mihring leh mihring inlaichinna avanga lo piang a ni.

·         Tunhma chuan - Pastor thusawi thiam, thu sawi nung, powerful, effective, inspiring emaw motivational speaker nih ve te hi ka chak thin.

Chu mi avang chuan ‘chutiang mi’ ka nih theihna tura thil pawimawh nia ka hriatte pawh ka ti bawk thin.

Mahse, Pathian nena inlaichinnain thil a tihtheih zia leh Pathian nena kan inlaichinna hrisel lovin thil a khawih pawi theih zia ka hriatthiam chinah chuan – ‘ka focus loh tur zawk ka lo focus thin a ni’ tih ka hre chiang ta a.

Tunah chuan thil dang zawng zawng aia ka ngai pawimawh zawk chu – Lalpa nena kan inkar hi a fel em, a hrisel em, a kal dik em, a thianghlim em, duhawmin a lang em, Lalpa tan lawm tlak a ni em…tih hi a ni ta zawk a ni.

He tiang bawk hian nangni pawh zaia in rawngbawlna ‘hlawhtlinna hi’ – Lalpa nensa in inlaichinnaa innghat a ni a, chu chu a la ni zel bawk ang.

Chjtianga kan sawi avang chuan thil dang kan malmak dawn em ni? Hnai love, inlaichinna chuan – inpekna te, channa te, tih hram hramna te, beih tang tangna te kha – rawngbawlna nung leh ngainnawm zawkin a siam dawn a, chu miah chuan mi ten an mamawh chhan emaw, ei tur an hmu tawh dawn a ni.

Lalpa nena kan inlaichinna berah hian a ni rawngbawlna zawng zawng hlawhtlinna a awm ni.

Jhn 15:4-5     : “Keimahah awm reng rawh u, kei pawh nangmahniah ka awm reng ang. Peng chug rep hruai a awm reng loh chuan amahin a rah thei lo ang bawkin, nangni pawh keimahah in awm reng loh chuan in rah thei lovang. Kei grep hruai chu ka ni. Nangni a pengte chu in ni. Tupawh leimaha awm reng a keipawh amah aka awm rengna chu, chu mi chu tam takin a rah thin; keimah lovin engmah in ti thei si lo. “ a ti a.

Lal Isua nena kan inlaichinna, kan inzawmna hi – min rah tirtu, rawngbawlnaa hlawhtlinga min siamtu tur a ni.

Kan inlaichinna hi check ngun ava ngai em.

Mi thiamte chuan – Pathian nena inlaichinna hi chi 4 awmin an hria a;

i)                   Zir emaw chhiara hriatna (Academic /knowledge)

ii)                Lum chang chang (Casual / Lukewarm)

iii)              Hmasawn hlek hlek (Growing / hungry for more – thirsty)

iv)               Inhnaih (Intimate)

INHNAIAHNA tak takah chuan;

i)                   Pathain duhna thuk tak miin neiin, sual huatna a nei bawk thin.

ii)                Pathian hnaiha len dun theihna remchang awm apiang – bible chhiar, tawngtai, worship, amah fak, etc a ngainain a dah pawimawh a.

iii)              Lalpa chu a nun laipuiah a dah avangin, a thu emaw a duh zawng tih chu a ngai pawimawh a – Ziaktu pakhat chuan, “Pathian nena in inlaichnna chu Thlarau Thianghlim thu I zawm theihna aia sangah a awm thei ngai lovang” (Your relationship can’t go higher than your obedience to the Holy Spirit) a ti hial a.

Lalpa nena kan inhnaihna (intimacy) hi a dik a, a lo hrisel bawk chuan, chu chu he retreat hlawhtlinna ber tur a ni ang.

Inlaichina chungchang hi Biology-ah pawh hian a lo awm a. Microorganism 2 emaw inlaichinna chungchang sawina a ni ber a.

-          Mutualism – Organism 2 chuan hlawkna an inpe tawn a.

-          Commensalism – Organism 1 zawk chauhin hlawkna a hmu a

-          Parasitism – Organism or species 1 chu a dang pakhat zawk ringin a nung a.

-          Competition - organisms 2 te hlawkna chan tuma inbeih tawnna

-          Predation and Herbivory – Organism 1 zawkin a dang 1 zawk a chawm

Heng atang hian Lalpa nena kan inlaichinna hi – mutualism & parasitism relationship ang hiala Lalpa kan hnaiah kan rinchhan a tha hle a ni.

Kingdom of Great Britain hian ‘Act of Union’ 1707-a a ziah atang khan ram hrang hrang 170 nen tum 120 indona a hmachhawn tawh a. Ram hrang hrang nen inlaichinna a neih tawh dan chu;

Country	Allied	Enemy
France	18	20
Spain	6	9
Russia	9	6
Germany	3	2
United States	11	3

Pathian nena kan inlaichin dan nen a inan duh hmel viau mai. He tiang inlaichinna hi inlaichinna tha emaw hrilsel a ni thei lovang ? Engtin nge inlaichinna tha hi a lo pian thin? 3 emaw chauh lo tarlang I la;

1.       A bul emaw a kiang hnaia awm (Lk10:39-Mari & Marthi) hi inlaichinna tha siamtu tur a ni.

2.      Thup 3:20     : Ngaiteh kawngkhar bula dingin ka kik hi, tupawhin ka aw hriaa kawng a hawn chuan a hnenah ka lut ang a. A henahah zanruah ka ei ang a, ani pawhin ka hnenah a ei bawk ang.

3.      Sual simnaah & ngaihdamnaah (Mk2:5,10-12) hian inlaichinna tha a lo piang thin  - (Tirh 3:19 Sim u la, hawikir leh rawh u, chutichuan Lalpa hnen ata harh hunte  a lo la thleng thei ang + Lk 15:7 – Mi fel 99 sim chuan tur nei lote ai chuan, mi sual 1 sim chungah vana mi an lawm zawk ang).