(Fb-a ka post lak chhawn mai mai a ni e)
Dt. 8.9.19, zan dar 10 rik hma deuh khan kan unau zinga upa ber fanu naupang ber, Apuii'n "Api nen Anuteite (kan unau zinga naupang ber nupui) inah kan leng a, Api a lu a haia, a luak bawk a, Pi Nutei'n (an lenna thenawm) a BP a check a, a lo sang viau a, Bp sang damdawite an pe a...'' tiin, family wahtsapp group-ah a Pi thlalak nen a lo post a.
Minute 30 vel hnuah, "A BP a la ngai reng a, damdawiinah Apatea leh Maruata'n, maruata Carin an hruai dawn..." tih an lo post leh a.
Ka Nu hi kum 74/5 a ni tawhin ka hria. Damdawiin panpui ngaia a awm hi ka hre ngai lova, ka hriat lohvin an lo panpui tawh emaw? Damdawiina hruai a han nih takah chuan, ka lo dawnsawn dan tlem & ka thil ngaihtuah chhunzawm tak eng eng emaw kan puangzar leh hluai ang e.
1. Dar 11-ah ka fate lehkha zir lai ka ko khawm a, chhungkuain api tan kan tawngtai a.
2. Flight ticket-te a rukin ka lo check vel a. LOL
3. APi hi a upa tawh si a, thil hoteah pawh rin loh thil thleng thei a ni. Chuvang chuan mu chunga ka lo ngaihchan mai loh chuan, 'ka tlu tawp palh ang e' tiin khumah ka lo mu lawk vel a. LOL
4. Family whatsapp group chu, dar kar 2 dawn lai, chanchin an lo update ngaichangin, ka bih ta reng mai a.
Tichuan, chhungkuaa kan tawngtai hnu lawk chuan, ''A bp kan check zo chiah a, a normal ta. Damdawiin atangin kan haw dawn mek'' an lo ti leh ta a. In an thlen hnu pawhin chanchin an lo update zel a. 12:30 dawnah inleng ri luai luai karah ka Pain, "In lo ngaihtuah lutuk ang tiin ka lo phone che u a ni. Pathian engkim tithei kan nei a, a zia zel ang" a lo ti ta a ni.
------
Nu emaw Pa berin emaw an thih san tak chhungkua chanchin hi thenrual thenkhatte hnen atangin kan dawng fo mai a. Chutiang chanchin dawn chang chuan ka mit sulha min tichau lehmai thin. Lainat thin teh mah i la, ka ngaihtuah chhunzawm peih loh zawng tak hi a ni a. Rilruah a cham tlat loh nan thil tih tur hi ka ngaihtuah chawpchilh fo mai.
Thisen zawmpuite leh kawppuite meuh then tawhte tawrhna lo nasat tur zia hi...hei pawh hi ka ngaihtuah peih lo...
Heti taka na a nih avang hian, mi tam takah chuan sual hi a lo inrawlh fo hi a lo ni a. Thihna thiltihtheihna hmangin sual chuan mi tam tak 'thihna bawihah' tan tirin hrehawm takin a hrual zui thin. Pathian hming lam tui tawh lo, Lalpaa beiseina nei tawh lo, chibai buk tui tawh lo, a rawngbawlna kawng zawh thei tawh lo, leh a hming fak thei hauh loin a siam fo thin. Eng emaw changin hlathu thenkhat avangin an kutte han phar ve lawp lawp bawk mahse, Pathian fak ni lovin, an hmangaih kal tate avanga an nun chein ban a phar tir emaw a lo ni lek thin a. An damchhung hun hi a ipik hliah hliah a. Thihna bawiha tang tlatte nun lainatawm zia hi sawiin asiak lo a ni tawp mai.
He tiang mi an awm mek lai hian 'thihna thiltihtheihna hneha tholeh' (Isua) 'MI NUNG-in' an nuna ro a rel sak tlat tawhte an awm bawk a. He tiang mite nun hi erawh chu 'thihna thiltihtheihna' in a hneh ve ngai lohte nun neitu an ni thung. Chutiang mite chu an tap ve ngai lo tih turin an awm bik lova. An lungngai ve thei tawh lo pawh a ni lo. Vawi tam tak khawharin an indawm kun a, a rukin an mittui an hru a, mal leh nun ruak em em pawhin vawi duai lo an awm thin.
Mahse, an nuna roreltu hi 'thihna thiltihtheihna' ni lovin, thihna hneha tholeh, 'mi nung thiltihtheihna' zawk kha a ni a. Lalpa hming lam an bang ve mai mai tawh lova. A hnung zui an inchhir ngai lova. Amah fak turin an kut leh thinlung phuar hlenin an awm ngai hek lo.
Lalpa MI NUNGA chu an chakna a ni a. Hneh leh phuara awm tur ni lovin, hneh tur leh hneh zel tur zawkin, a tulna hmun apiangah, hlimna thuruk nei chungin an che chhuak bawrh bawrh zawk thin a ni.
----
A tirah khian mangan hmel deuhin kan han insawi takna a. 'Ka sawi duh loh thil' hi tawng ve ta chiah i la. Ka hriat rual ruala ring mangkhenga au chhuahpui ngei ka duh leh tih puitlin ngei atan pawha ka duh chu - HALLELUIAH, HALLELUIAH, HALLELUIAH!(Lalpa chu fakin awm rawh se) tih hi a ni.
Mi nung, thihna hneha tholeha hi, i nun pumpui roreltu lo ni se, thihna thiltihtheihna lak ata hi, chhan chhuahin lo awm mawlh ang che.
Dt. 8.9.19, zan dar 10 rik hma deuh khan kan unau zinga upa ber fanu naupang ber, Apuii'n "Api nen Anuteite (kan unau zinga naupang ber nupui) inah kan leng a, Api a lu a haia, a luak bawk a, Pi Nutei'n (an lenna thenawm) a BP a check a, a lo sang viau a, Bp sang damdawite an pe a...'' tiin, family wahtsapp group-ah a Pi thlalak nen a lo post a.
Minute 30 vel hnuah, "A BP a la ngai reng a, damdawiinah Apatea leh Maruata'n, maruata Carin an hruai dawn..." tih an lo post leh a.
Ka Nu hi kum 74/5 a ni tawhin ka hria. Damdawiin panpui ngaia a awm hi ka hre ngai lova, ka hriat lohvin an lo panpui tawh emaw? Damdawiina hruai a han nih takah chuan, ka lo dawnsawn dan tlem & ka thil ngaihtuah chhunzawm tak eng eng emaw kan puangzar leh hluai ang e.
1. Dar 11-ah ka fate lehkha zir lai ka ko khawm a, chhungkuain api tan kan tawngtai a.
2. Flight ticket-te a rukin ka lo check vel a. LOL
3. APi hi a upa tawh si a, thil hoteah pawh rin loh thil thleng thei a ni. Chuvang chuan mu chunga ka lo ngaihchan mai loh chuan, 'ka tlu tawp palh ang e' tiin khumah ka lo mu lawk vel a. LOL
4. Family whatsapp group chu, dar kar 2 dawn lai, chanchin an lo update ngaichangin, ka bih ta reng mai a.
Tichuan, chhungkuaa kan tawngtai hnu lawk chuan, ''A bp kan check zo chiah a, a normal ta. Damdawiin atangin kan haw dawn mek'' an lo ti leh ta a. In an thlen hnu pawhin chanchin an lo update zel a. 12:30 dawnah inleng ri luai luai karah ka Pain, "In lo ngaihtuah lutuk ang tiin ka lo phone che u a ni. Pathian engkim tithei kan nei a, a zia zel ang" a lo ti ta a ni.
------
Nu emaw Pa berin emaw an thih san tak chhungkua chanchin hi thenrual thenkhatte hnen atangin kan dawng fo mai a. Chutiang chanchin dawn chang chuan ka mit sulha min tichau lehmai thin. Lainat thin teh mah i la, ka ngaihtuah chhunzawm peih loh zawng tak hi a ni a. Rilruah a cham tlat loh nan thil tih tur hi ka ngaihtuah chawpchilh fo mai.
Thisen zawmpuite leh kawppuite meuh then tawhte tawrhna lo nasat tur zia hi...hei pawh hi ka ngaihtuah peih lo...
Heti taka na a nih avang hian, mi tam takah chuan sual hi a lo inrawlh fo hi a lo ni a. Thihna thiltihtheihna hmangin sual chuan mi tam tak 'thihna bawihah' tan tirin hrehawm takin a hrual zui thin. Pathian hming lam tui tawh lo, Lalpaa beiseina nei tawh lo, chibai buk tui tawh lo, a rawngbawlna kawng zawh thei tawh lo, leh a hming fak thei hauh loin a siam fo thin. Eng emaw changin hlathu thenkhat avangin an kutte han phar ve lawp lawp bawk mahse, Pathian fak ni lovin, an hmangaih kal tate avanga an nun chein ban a phar tir emaw a lo ni lek thin a. An damchhung hun hi a ipik hliah hliah a. Thihna bawiha tang tlatte nun lainatawm zia hi sawiin asiak lo a ni tawp mai.
He tiang mi an awm mek lai hian 'thihna thiltihtheihna hneha tholeh' (Isua) 'MI NUNG-in' an nuna ro a rel sak tlat tawhte an awm bawk a. He tiang mite nun hi erawh chu 'thihna thiltihtheihna' in a hneh ve ngai lohte nun neitu an ni thung. Chutiang mite chu an tap ve ngai lo tih turin an awm bik lova. An lungngai ve thei tawh lo pawh a ni lo. Vawi tam tak khawharin an indawm kun a, a rukin an mittui an hru a, mal leh nun ruak em em pawhin vawi duai lo an awm thin.
Mahse, an nuna roreltu hi 'thihna thiltihtheihna' ni lovin, thihna hneha tholeh, 'mi nung thiltihtheihna' zawk kha a ni a. Lalpa hming lam an bang ve mai mai tawh lova. A hnung zui an inchhir ngai lova. Amah fak turin an kut leh thinlung phuar hlenin an awm ngai hek lo.
Lalpa MI NUNGA chu an chakna a ni a. Hneh leh phuara awm tur ni lovin, hneh tur leh hneh zel tur zawkin, a tulna hmun apiangah, hlimna thuruk nei chungin an che chhuak bawrh bawrh zawk thin a ni.
----
A tirah khian mangan hmel deuhin kan han insawi takna a. 'Ka sawi duh loh thil' hi tawng ve ta chiah i la. Ka hriat rual ruala ring mangkhenga au chhuahpui ngei ka duh leh tih puitlin ngei atan pawha ka duh chu - HALLELUIAH, HALLELUIAH, HALLELUIAH!(Lalpa chu fakin awm rawh se) tih hi a ni.
Mi nung, thihna hneha tholeha hi, i nun pumpui roreltu lo ni se, thihna thiltihtheihna lak ata hi, chhan chhuahin lo awm mawlh ang che.
No comments:
Post a Comment