WILLIAM CAREY HLA - MIZO VERSION

(Mizo tawnga lehlin & a solfa-a dah thu)

 

Pastor Lalzarliana Khiangte

---------------------------------------------------------------------------------

 

INTRODUCTION:

William Carey hi tunlai kristin mission-a ‘sulsutu ropui ber’ tia sawi theih ‘FATHER OF MODERN MISSIONS’ tia koh kha a ni a. A birthday vawi 261-na (17th, August, 2022) a lo thlenin, amah hriat reng nan leh, a birthday lawmna chi khat atan; kum 2019-a Face-book hmanga ka release tawh (https://www.facebook.com/lalzarliana.khiangte/posts/pfbid0ttM3xf4kVSnVrKgFTQG1LQmZTKjhMhjYUENgNPJqGHsoccuXD7x3i3JLe3c8WY6gl?viewas=100000686899395&__cft__[0]=AZWuITv6cEHhQr-dsi6T7A66n9j-UEHFJ80TRNMd1vNzyWWtiAWEcsVCvViFRc_Qk04_hrGO7Kj8pATSyHwSdbtu3SLbZMlosZRbbAyfE8Y0RvDz6HZnkpKbJqYn6jqo94Y&__tn__=%2CO%2CP-R)  - a hla, mizo tawnga lehlin chu, a solfa-a dah fel a nih leh tak avangin,
kimchang zawkin ka han release thar leh a ni (Fb-ah tho hei hi post tawh a ni - .https://www.facebook.com/lalzarliana.khiangte/posts/pfbid02hESgstUKYJ3nGRAmnV4UBAGkTvCMKZobbFSz6cpTeNj19QuMEE4vQoF2fHVPsNH1l?viewas=100000686899395&__cft__[0]=AZU8Gs_kX_YK99rbWjhadDPEkgB-Rs34NN74caPBycSqrDQ3nC6Ek8MP3P9SSRBzmdz1C1V_9sJtXshWxHVf6j13DYVJ8yNU2Wv4xNuSj42_J9NqJ3Rbrn7vVsekbpPJ4E_4WTsgkREBs09ps8c9uskZyOyZJC1zW7e2tBE20oiNqg&__tn__=%2CO%2CP-R).

 

MIZO TAWNGA LEHLIN A NIH DAN:

Serampore College chhul chhuak tawh phawt-te chuan William Carey hla hi kan hre vekin a rinawm. Worship service-ah kan sa fova, a birthday-ah phei chuan kan sa ngei ngei thin. Bengali chauhva kan sak thin avang leh kan hriat thin avangin a awmzia kan hre ngai lova. Mahse Bengali ngeia han sak hian, lung erawh a kuai bik hle tih chu a sa thiamte chuan kan hre vekin a rinawm. 

 

Kum 2019 kuma a birthday vawi - 258-na lawma Serampore College campus atanga a thlan (Carey Cemetery) pana procession (kawng zawh) kan neih tumin, kan thawhpui Rev Dr. Haldara chu ka bulah a kal a. Ani hi Serampore College-a Bengali professor kan neih pahnih zinga pakhat a ni. A hnenah chuan ‘Carey-a hla kan sak mek chu saptawnga lehlin a awm leh awm loh’ ka zawt a, ‘ama lehlin ngei’ a awm thu min hrilh bakah; a dah thatna link min hrilh bawk a. Tichuan, procession kan neih zawh veleh ka thiam ang anga letlingin, tihian Carey-a hla chu mizo tawngin kan lo nei ve ta reng mai a ni.

 

SOLFA-A DAH A NIH DAN:

Kum 2021-ah Pathian leh kan hotute remruatnain bialah Serampore atangin sawn ka ni a. Tuna kan awmna Lawngtlai East Bial - pastor quarters bul maiah hian solfa thiam tak, BCM: Lawngtlai Area zaipawl leh bial zaipawl-te pawh vawi tam lo kaihruai tawh; ‘pastor-te tana thenawm azawnga thenawm tha ber’ tia sawi tur Rbt Pu Sakhawliana (Pu Khawtea) te chhungkua an lo awm a. Pu Kawtea chuan, Carey-a hla mizo tawnga ka dah tawh, a audio phone-a ka record chawp chu a solfa-in min dah (arrange) sak ta a ni. 

 

He hla hi Pathian chibai bukna hla - Biak In-a kan sak (worship service) thin anga sak fo tlak a ni a. Tunlai naupangte hian thiam vek thei se thil duhawm tak a ni ang.

 

 

 

......................................................

A hla chungchanga hriat belh duh; Bengali & English-a dah/lehlin en duh tan pawn he link-ah hian a awm e. https://m.facebook.com/story.php?story_fbid=2361871813904944&id=100002464442510