TI ZAWNG HIAN LUANGLIAM VE HLUAI TEH ANG

90s bawr chho vel, college kan kal ve lai a ‘Hla Pawisawi lo’ tia ka vuah ve mai; love song ni lo, gospel song ni bawk si lo, tuna tan chuan ‘Mizo oldist’ huanga dah ve mai theih tawh hla 'duh deuh deuh' ka nei ve a. Tleirawl chhuah hlim atanga ‘in tituavawn’, Kohhran thiltih a nih loh chuan kut pawh beng tha duh lo thinin hetiang hla ‘ka duh thu’ ka sawi mai hi erawh mak tih  awih loh kan timai aniang chu.

Heng hlate zinga 1, Alex RBa hla, “Ka Nu Sikul ka kal peih lo” tih hi tun hnai khan Youtube-ah ka hmu chhuak hlauh mai a, Pathian tana ‘inserh laklawh’ ‘Love song’ tia kan vuah, sak leh ‘kur pui’ hreh laklawh tawhte tan heng ‘Hla pawisawi lo’ ho hi a tha hlawm hle. Buaipui chiam ngai lova MP3 emaw a video a neih theih dan awm se ka ti ngawt mai. A genre hi a fuh em em vek a, uluk taka ngaihthlaka ‘rilru tinui thei’, contextual affect nei, zirtir nei ril raih an ni hlawm tih hi han ngaithla ve la I hre ve mai ang.

Chung ‘Hla Pawisawi lo’ tia ka vuah thenkhat-te;

1.    "Pipu Chhuah Tlang Hlui"

2.    A thunawn thenkhat chiah ka hriat, ‘Ecological Song’ tia ka vuah ve mai, “…an leng e, hlimlai chenin, an ngai lo tudang par, he lei chinah….”

3.    "Ka Nu Sikul ka kal peih lo" (Alex RB-a)

4.    "Hostel?" (Alex RB-a), he hla hi ka hmu chhuak zo ta lo.

5.    …(Ka hre mai tawh lo, heng hi awlsam te a min share thei an awm chuan, lawm taka ka dawnsawn theih turte zing ami a ni ve ang)

“Sikul ka kal peih lo” hi kan hlui ve reng reng ang che u.

Sikul Ka Kal Peih Lo

Ka Nu sikul ka kal peih lo,

Ka thiam thei lo si,

A hreawm em.

‘Lehkha zir rawh’ tih leh mut mai zawng;

A dik deuh hian ka hre bik lo.

A thiam thei chi an awm a,

A thiam thei lo chi kana wm a;

Kan dinhmun hi, tumah hian,

In dawn chiang lo.

Kan zirtirtu-te tak pawh hi,

Ka dem dawn e, ka ngaihdan hian.

Thleibik nei hian min zirtir a,

A thim thei lo ho kan lungawi lo nasa.

A thimthei chauh an duhsak a,

A thiam ve lote min hnualsuat a;

Eng tin nge maw, hetiangte chuan,

Kan thiam reng ang.

Homework thiam lo zingah pawh hian,

Thiam chak tak tak an tam em.

Vuak tuar tura sikul lo kal hi,

Kan chak bik lo, kan ning em em;

Rum em emin min melh a,

Hlau leh khurin kan ding a;

Min hmangaih vang a nih hi,

 Kan ring si lo.

Kan duh ber chu hei hi a ni,

Lehkha zir san kan duh ve a.

Hmangaihnain min enkawl la,

Puitling turin min chher chhuak teh.

Chutin suihlung phang lo ten,

Sikul run kan lo kai ang;

Chun leh zuaPa thinlai na,

Reng a dam ngei ang.