CONFIDENCE - MIZO VERSION

*** CONFIDENCE tih ngai bawk hmanga ka ziah, ENGLISH VERSION, morning devotion a ka share tawh chu a hnuaiah hian a awm a. He MIZO VERSION hi chu thupui ngai ringa devotion sharing ang diak diak lova ziah a ni. Fb-ah post tawh a ni nain, ka belhchhah nual avangin, a hnuai ami ang hian ka blog-ah hian ka'n vawm kai leh hrim hrim a ni.
**********************

Confidence chu sawi fiah ngai lova kan hriat tlan a ni. Tung chhova kal mihringte tan hian a pawimawh takzet a. Mihringa quality pawimawh tak pakhat, inner force anga kan thiltih leh hmachhawn tur; zam hauh lova min hmachhawn tirtu leh min tih tirtu a ni.

Eng pawh ti dawn i la, mi a 'confi' loh chuan thil a nih tur ang a ni thei lo thin. Mi zingah hahdam taka awm a har a. Boruak thar leh thil danglam hmachhawn turin a tlak loh a ni ber.

He tiang taka pawimawh a nih avang hian, mi tinte hian hre reng chung leh ngaihven lem lo pawhin 'confidence' kan neih theihna tur kan dap reng a. Kan hun tam tak, sum leh pai, tha leh ngaihtuahna kan hmang ral nasa em em a ni.

- Tunlai kan nula tam takte hi, fashion thar or thawmhnaw thar inbel tur an neih loh avang a vantlang zinga confi thei lo an va tam em. Makeup inchawih ber ber nen, thawmhnaw thar, mantam, branded, etc nen an inpho lan theih hlauh thung erawh chuan an confi sawt thin.

Chuvang chuan kan nulate hian ni tin, tuk tin an confi theih nan incheina hi namen lovin an buaipui thin.

- Thenkhat thung chu (mipa pawh a huam vek), electrical gadget manto ber ber (eg: smart phone) hmangin confidence an hlawh chhuak a.

- Model thar, branded, technology changkang leh dangdai, etc thilin kan mit a lak hma chhan pakhat pawh, he tiang thil hi miin a neih chuan, mi zingah, confidence a neih theih deuh nia kan hriat vang a ni.

- Thenkhat thung chuan sum leh hausakna hi confidence min petu ber niin an hria a.

- In leh lo, chenna/khawsakna (geographical location?), avanga mi dang aia inti confi deuh pawh an awm.

- Nihna, hnathawh, digree, position, grade, etc avanga confidence nasa taka neih phah kan awm bawk a.

Kan thiltih chhan ber hi kan confi theihna tur a lo ni chiah lo a nih pawhin, heng a chunga kan sawi ho leh thil dang tam tak kan sawi lan lohte hi miin a neih belhchhah dan azira confidence hi mihringa lo insiam chawp mai zawk pawh lo ni se, kan nun chhungrilin a zawn ber leh kan tuihalna chu khawvel thil a ni ta reng reng a ni.

Eng pawh ni se, a khaikhawm nan, Pa confident tak ni tur hian kan va phar nasa em....i ti ngawt tawh mai ang.

Heng hi a pawimawh takzet a. Confidence nei tura inzirtir mawlh mawlh pawh hi kan tih ngei tur a ni ang.

Mahse, mahse...

Kan ram christiante tihsual lian tak, a bikin, Pathian rawngbawltute tihsual lian tak nia ka hriat tak chu...

'Lalpaah emaw, Thlarau Thianghlimah ni lovin khing entir nana kan sawi thil dangteah (dangte hmang) khian confidence siam emaw neih kan tum nasa ta hle a ni' tih hi a ni.

Zir sanna emaw educational degree, technology thar ber ber, lirthei, nihna, position, etc (tarlan sen rual a ni lo) te hi confidence min petu ber, mi zinga leng tak leh zalen zawka Pathian rawng min bawl tir theitu ber ang hrima ngaia Pathian leh a Thlarau Thianghlim, kan engkima engkim aia lungkhama nei zawk hi kan tam ta ava ang em.

Zam lo leh hlau lo, huai taka min din tir a, thil eng pawh hmachhawn tura theihna min petu, tunlai khawvela rawng min bawl tirtu atan; Lalpaah, Thlarau Thianghlim thiltihtheihnaah ni lova thil dangah kan dap nasa ta lutuk hi drugs abuse anga kohhran thlarau nun ei chhetu a ni.

Chuvang chuan, Lalpa emaw Thlarau Thianghlim aia confidence kan buid up-na tur leh kan zawn nasatna hmun tur hi thil dang pawimawh zawk engmah reng Pathian rawngnawltute tan chuan a awm thei lovang.

Confidence kan neihna leh zawnna tur, pûr kan chawk luhna bul ber tur no.1 chu Lalpa hi lo ni zel teh se.

A khaikhawmna & belhchhahna:

1. Confidence neih hi mihring tan thil tul tak, nei belhchhah tur pawha nasa taka beih chhunzawm tlak a ni.

2. Mi tam tak confident em em chhan leh confidence nei tura kan thil buaipui ber chu, Pathianah emaw Thlarau Thianghlimah ni lovin, khawvel thila inlak muk deuh deuh a ni.

3. Chutiang 'mi confident' tak takte chu zoram kristian tam tak zingah, mi langsar, kohhranah pawh, mi langsar ber ber an lo ni ta.

4. Khawvel thil avang maia mi confident tak takte hi kan thlarau nun chawmtu an nih chuan kohhran, kan ram kristian nun chuan 'ro hulh' bak beisei tur a nei lo.

5. Confidence min neih tirtu leh a nei tura kan thil ngaihven ber tur no 1 chu Lalpa, Thlarau Thianghlim hi lo ni mawlh rawh se.

*Be confident, have confidence in you, build up your confidence in things, but most of all in the Lord.*