Note : Seminar on Christian Communication chungchang hi Dt. 03.02.2019 (Sun) inkhawm banin rilruah a awm teh tlat a!
Rilrua a awm dan ang ang chu ziakin FB-ah kan Post mai bawk a. Blog lama dah hi chhui a awlsam zawk vangin kan dah a ni e.
INTRODUCTION:
Seminar on Christian Communication chungchang hi ka rilruah a lo lang thut a. Kan mamawh dan leh a tulna, a kalhmang tur, etc ka han ziak zawk zawk ang e.
A HMING:
A hming chungchangah chuan, a buatsaihtute duhthlan azirin duh duh vuah mai tur a ni. Seminar ti kher lo pawhin, Eg.- "Training, Awareness, Workshop, etc On Christian Communication" a tih mai theih ang.
CHRISTIAN COMMUNICATION:
COMMUNICATION chuan digital emaw electronic gadget emaw tunlai technology eng pawh hmanga chanchin inhriat tawnna lama kan thiltih, inhman dan, a thu ken, etc a kawk vek thei ang a. Communication hi 'part and percale or fabric of human life' a nih avangin, a nihna takah chuan Communication tih thumal ringawt hi chuan ‘engkim mai hi’ a kawk thei vek a ni. Chuvang chuan CHRISTIAN COMMUNICATION tih thupui hian a huam zau lutuk loh nan (a bikin) - Ringtu ten Social media kan hman dan leh he lama rilru kan pek dan, etc chungchang a Pathian mi, ringtu, Kristian kan nih ang taka Cyberspace a ni emaw, Cyber-Society a ni emawa THA ZAWK, DUHAWM ZAWK, TANGKAI ZAWK, ZAHAWM ZAWK, KHUALEHTUI THA ZAWK ang leh kan nih theihna tura inzirtirna emaw kawng inkawhhmuhna lam a kawk ang.
KAN MAMAWHNA:
A tulna emaw kan mamawhna hi felfai takin a hnuai ami ang hian khaikhawm ta i la.
i) Zofa, kristian zaah za (100%) tia inchhal zingah hian, zaa sawmkua (90%) zet tur hian CHRISTIAN COMMUNICATION nihna emaw a kalphung hi kan hre lo.
ii) Technology lama hmasawnna nasa tak hian Communication thilah danglamna nasa tak tunlai mihringte hi a thlen a. A khawih leh hman tangkai dan thiam mai piah lamah, sulhnu duhawm lo thangtharte zingah nasa taka a thlen avangin, zirna leh sawi hona a khat mawi tawka buatsaih hi thil tul tak a ni.
iii) Kristian kan nihna ang leh Pathian leh kohhran tana inhmang thin kan nih anga CHRISTIAN COMMUNICATOR tha zawk, duhawm zawk, zahawm zawk leh Khualehtui tha kan nih theih nan CHRISTIAN COMMUNICATION hi zira, a nihna inkawhhmuh a tul.
ENGTIN NGE KAN TIH ANG:
A thupuia kan hmuh ang hian Kohhran leh tlawmngai pawl (NGO) hnuaia pawl hrang hrangte hian thil tumah neiin, a tul ang zelin budget-te pawh siamin ka ruamhman thei ang. Ni khat emaw chawhma awh programme angin a siam theih a. Tin, Fellowship emaw, pawl thiltih khawm nikhua changin programme kar lakah darkar khat vel awh tur pawhin, a ngaihna hriate resource person atana sawmin a buatsaih theih ang.
ENG BER NGE KAN ZIR ANG
Hun kan pek dan azirin zir tur bithiah hi a siam theih ang a. Nileng hun emaw darkar hnih khat atan emaw hun kan siam thei a nih chuan, a hnuai mite hi zir ber atana ka suggest a ni (resource person turte remchan dana innghah a fuh zawk thei bawk ang).
Mizotawnga dah vek dan ka thiam loh avangin, a inchawhpawlhin ka'n ziak chhuak mai ang e.
i) Introduction to Communication
ii) Christian Communication nih phung (base on WACC document)
iii) Christian Communicator tha nih dan (base on Principles of Christian communication and Biblical model of Communication)
iv) Christian Communication in Post-Modern Culture
v) Media Education
vi) Power and Effect of Media (long term & Short Term)
vii) Different Perspectives on Media
viii) Media Ethic
ix) Cyber/Communication Theology
x) Cyber or Virtual-Church
xi) Online Mission emaw Online Missionary
xii) Digital fasting, etc (he mi chungchang hi ka ziak mek).
Mass Communication zir chhuak zawng zawngin heng hi duhthusamin an zirtir ngawt thei lovang a. Mizoram chhunga Theological Institution kan neihtea Communication zir chhuak tawhte chuan an zirtir thei vek ang.
Communication leh a kaihhnawih thila khawvel hmasawnna hi a chak hle laiin, Zoramah, a bikin thalaite zingah helam zirhona boruak hi a tlahniam nasa hle thung a. A tih dan tur, a kalphung leh a tulna ka han tarlante atang hian a bawhzui dan chu i hriat ngei beisei a ni e.
No comments:
Post a Comment