SUNDAY SCHOOL ZIRLAI BU ZIAK TURA INBUATSAIHNA

THUPUI : PAULA CHANCHIN LEH A ZIRTIRNATE

1. He ziak rawngbawl hna ka beih tan ni hian tihtakzetin Pathian pawlin bul ka tan tur a ni. Tin, ziak chhunzawm tura ka thut hun  apiangah pawh Pathian pawlin hun ka hmang hmasa tur a ni ang.

2. BCM hnuaiah hian ,mi rethei, lehkha thiam sang lo – thingtlang mi hi majority an ni a. Lehkha thiam pui pui inphum hi awm teuh mahse, an ni ho dawnsawn tawk hlamchhiah lovin - thingtlang pa hriatthiam theih turin ziah ka tum tur a ni.

3. Mizo tawng a ziah tur, zir tur, leh a zirturte pawh mizo deuh vek an nih dawn avangin ‘tawng dang’ thumal hi a tam thei ang ber pumpelh ka tum tur a ni.

4. Consistency ka ngaipawimawh tur a ni a. Ka thil ziah-ah efficiency a awm tur a ni.

5. Paula chanchin leh a zirtirnate ah hian ziah sen loh khawpa thu pawimawh a awm dawn a. Chuvang chuan kohhran nawlpui rilru, tisa, rawngbawlna leh Thlarau mamawh ‘thupui’ thlan chhuah ngei ka tum tur a ni ang. (Hei hi ka thlan ni-in, thupui 40 ka thlan fel tawh hnu-ah – Paula kutchhuak ho hi chhiar hmasak a tihna ka nei lian hle a, chumi atang chuan thlan that leh a ni ang)

6. Thupui 35 leh special Sunday thupui 5; avaiin – thupui 40 thlan tur hi ziah tan hmain thlan fel sa vek tur a ni. Zir tur/ a chhung thu ‘content’ hi ziak tura bul tan hmain a fel hmasa ngei tur a ni (Hei hi ka hriat sual deuh a. Thupui 33 leh special Sunday zir tur 5 avaiin 38 tih tur a ni).

7. Thuziak sei zawng ( a page) hi ka la hre mai lova, tunhma a lo ziak tawhte ‘ziah sei zawng’ atangin hei hi chu a hriat theih mai ang. Microsoft word a hna thawh (ziah) dawn chuan eng tianga thui nge an lo ziah thin hre turin ‘ziah sa, bu hlui ami’ ka type chhawn pawh a ngai hial ang ( A Hnuah INKAIHHRUAINA an lo thawn a, chu miah chuan Word 2000 pel lo tura thurawn pek ka ni).

8. Mizo tawng ziak dan kalhmang hi a theih anga ngaih pawimawh tur a ni. Hei hi erawh ka chak lohna (weakness) tak a ni ni dawn a, amaherawh chu theih tawp chhuah ka tum tur a ni ang.

9. A khaikhawm nan writing method tam takte zingah (eg: HBLT method- hook, book, look, took - Lawrence O. Richards, “Creative Bible Teaching.”)  ‘C’c method of communication’ hi ngaih pawimawh a ni ang a {C’s chu – Clarity, consistency, caring (the audience/receivers), Concise, continuous, etc.}; ‘Thlarau Thianhlim hruaina leh Kohhran mamawh’ aia min kaihruaitu lian erawh a awm tur a ni lo.

10. A tawp berah chuan – Pathian mi pung khawmte zir tur a ni a. A ziaktu hi kawng tinrengah a invawng tha tur a ni. Pathian Thlarau Thianghlim-in a zirtute hnen a thu a sawina emaw an nun a kaihruai theihna hmanrua a nih theihna tur hi ngaih pawimawh berah awm mawlh the se.

K.LALZARLIANA

Serampore (19/12/2016)

Note: Tun hnu hian ka hming hi chhan bik neiin LALZARLIANA KHIANGTE  tiin ka ziak ta a. A chhan hi ka lehkhabu tih chhuah tur MIN TI DAMIN MIN KAN ZUI THIN tihah ka tarlang a. Chu chu BCM Administrative Committee pawhin min pawmpui thlap a ni.